Conference ih suah theih nading bang kisam
Upper Myanmar Mission of Seventh-day Adventists panin Upper Myanmar Local Conference of Seventh-day Adventists ih suah theih nading in General Conference of Seventh-day Adventists in bang hong hih sak thei ding hiam? UMM leh MYUM sepna om lo-in tungsiahte in tua bang in na hih un hong ci thei ding hiam?
“Zomi sungah mi muanhuai tampi, nang aa kipan USA gam sungah om na pi in, tu ni dong ciang bang mah hong kilamdan loh pen lamdang sa takpi hing” [Khaimok, March 11, 2010] Mungno in May 27, 2003 in lai khak, Do Kap Pau in Ted Wilson phone tawh hopih, March 4, 2004 in email tawh lai khak kik, August 9, 2006 in Sangchia in Robert Folkenberg laikhak cih bang a tuamtuam te zong om hi.
Ei ZomiSDA lungsim ah General Conference in hong hih sak zo ding hi ci-in muan ci tak in ih muanna thu pen, ih laigelhte in hong kilangh sak hi. A tua bang takpi hi thei ding hiam?
B 10 05 Criteria for Conference Status – No 1. The members and employees of the mission/field for which conference status is being considered shall give evidence of understanding the basic principles by which the churches and the mission/field are administered, particularly demonstrating an appreciation of the spiritual needs and objectives of the church. [SSD Working Policy, 67]
B-a 10 10 Local Conference Status, Procedure – No. 1. The local mission/field organization desiring local conference status should make its request to the union committee by using an application form provided by the SSD.
No. 7. A conference or candidacy status will be recommended by the Division Committee. Final approval will be determined by the Division Midyear Committee or Annual Council.
Hih GC/SSD Policy te ih etcian tak ciangin General Conference ah va lut-a genpihna tawh ngah ding ih kisak khak pen hong naupang suak huai mahmah hi. General Conference ah a tul za lom in lai ih paisak hangin a khuatual ah bangmah picin na om kei peuh leh, amau in bangmah hong ci thei tuan lo hi. Ei Seventh-day Adventist te ih Centralization ki-ukna pen tua bang hi. Central in power khempeuh a nei khin zong na hi het lo hi. GC in hong sepsak dinga ih muanna pen, GC te dictator ahi ding ih sak khakna khat na hi gige hi. Dictator deihlo cici na pi in, ih paukhiatna khempeuh ah tua bang lim vive hong kilang mawk hi. ZomiSDA te in Dictatorship a pakta mahmah ih hi gige hi. Ih makaihna khempeuh ah dictator tawh kimakaih ahih lam tun ka phawk san pan hi. Kei zong UMM-MYUM sungah Kum 31 Worker in ka om ta-a makai tuamtuam tawh ka kithuah in theihna tampi ka na neih na pan ka muh khiat hi.
General Conference tangin Division kikhen in Division 13 kisuah hi hang. Tua Division makaipipa pen General Conference makaipa tanga ding hi. Tua ahihmanin Division theih pihna om lo-in General Conference in bang mah hong bawl het lo ding hi. Tua ahih manin GC ah lai ih puak pen HUIH bek na hi gige hi. Huih hong nungin GCte bil ah hong phukha in, tua khit ciangin hong bei lel ding hi.
Bangci zoptoh leng hoih ding cih tawh kisai in, Saya Mungno hong hanthotna te [On Mon, apr 5, 2010 at 10:41 AM, Gin MungGin.Mung@seccsda.org ] kicing kasa mahmah hi. Ahi zongin a tua ci dingin zong ih ngaihsun zo tuan kei hi.
Ei Upper Myanmar Mission pen Conference status ngah nadingin
Sent: Thursday, March 11, 2010 3:19 AM
To: ZomiSDA@yahoogroups.com “Esther ding khat kisam mahmah” zong lamdang hi. Ih Esther ding pa/nu in a kua kiangah hong lut sak ding hiam? Tua zong a thei zo nai lo hing. Esther ahi ding pen mihing khat peuh na hi lo-a, ei Upper Myanmar pawlpi mikhempeuh hi zaw hi hang. Ei mahmah in ih lungsim ah pawlpi ngeina om bangin gamtat masak ding hanciam ding hanga, pawlpi tawh kalsuan masa phot ding hi hang. Pawlpi tawh kithu tuak taka ih kalsuan na tung ah, gualzawhna tampi tak ih ngah to dinga, tua gualzawhna te tungtawn in Union le Division ah thu ih puak ding hi. Union le Division in hong enpha in kilawm mah ei hong cih ciangin ih deih, ih ngaihluat mahmah ahi CONFERENCE pen hong pia ding hi. Tua bang a pian theih nading nang leh kei tavuan hi. Midangte muang kei zaw ni.
“(c) CPC/MAC/MUC in SDA Conference dinmun maan tak a tun theih nadingin bang ci kalsuan toh ding uh hiam?” cih dotna pen Daltawng in hong pia a, tua ka dawn kikna zong email sungah ih sim khin ding hi. Tua mah hong gelh kik ing.
Conference dinmun maantak ah ii tun theih nadingin kalsuan zia dingte anuai a bang hi:
1) Amasa in note khat leh khat kikaal-a pawlkhenna pen na kipuah masa unla, na sunmang uh a
tangtun ding na semkhawm un. (Gulfan)
(2) CPC/MAC/MUC na phiat un.
(3) Pawlpi thukhun leh khalhna nuai-ah lungkim takin na om un.
(4) Mission leh Union Makaite na na muang un.
(5) Pawlpi’ thukhunte leh pawlpi geelna bangin lungsim pumkhat in zuih ding na kipan un.
(B 10-05, No 2)
(6) Conference hih zawh nadinga missionte sepna ah lungsim tak tawh na panpih un. (B-a 10 10)
(7) Mission zumpi ah sawm-a-khat leh sumpite na pia un.
(8) Policy tawh kituak lo sangte na khawl sak un.
(9) Church Manual hong sawlna bangin pawlpi tawh na kizom kik un.
Upper Myanmar Mission makaite tawh khut kilen loh peuhmah in cih mah (cih mah) hun in Conference kingah ngei lo ding hi. Upper Myanmar Mission makaite na muan masiah cih mah in Conference ngah ngei lo ding hi. Tua bek hi lo, Myanmar Union Mission makaite thu na zuih masiah uh hih na buaina te Division tung ngei non lo ding hi. Division te in hong theih khit siset sa hi. Hong tel lua hi. Tua manin lai bangzah in ih gelh hangin Division makaite lungtang khoihkha zo het lo hi. Tua ahih ciangin Tapa taimangpa hong ciah kik bangin hong ciah kik mai un. “Pa aw, Pasian tung leh nang tungah kong khial zo hi. Na tapa cih ding ka kilawm nawn kei a, na cial tawm na nasem khat bang lel in hong om sak in” (Mate 15:18, 19).
Pawlpi tung pan hamphatna khat peuh ngah nading ngaihsutna om het lo, tua tua hong pia un, ci lo in pawlpi tawh hong kizom kik un. Tui kiphum kik nuam kei ung, cih zong hong zang kei mai un. Pawlpi langpan’na mawhna sangin a lian zaw mawhna om nawn ding hiam? A ciah in hong ciah himhim phot un. Maaban khat teitei hong vang thei pan ding hi.
No comments:
Post a Comment